香港資訊及通訊科技獎 2019 (學生創新獎-銀獎)

此行有感 (04.04.2019)

回望最初的衝動

好感恩我地小巴實時到站預報系統嘅項目得到 HKICT Awards 學生創新獎嘅嘉許, 更令我哋諗返最初點解會做呢樣嘢。喺 Year 2 嗰陣,科大人成日都要搭小巴返學校,仲記得等小巴等到好忟憎,心諗點解九巴都有到站預報APP,小巴咁耐都冇,真係咁難整咩?

 

跟住我哋幾個同學仔嬲嬲哋,就成立左一支學生研究團隊,自己去搵學校丶小巴營運商去傾,點知時試下又試到個模型出嚟,跟住先有之後發生嘅所有嘢:參加比賽丶傳媒訪問丶搞公司丶 正式喺科大推出小巴到站服務… 有時候衝動一時,可能令你後悔一生。 但有另一種衝動,卻會讓你如獲新生。